პრენატალური მოვლა

ინდივიდუალური და ყოვლისმომცველი პრენატალური მოვლა რეპროდუქციული ჯანმრთელობის და გენეტიკის ცენტრში "European Fertility Clinic" არის სპეციალური პროგრამა, რომელიც შემუშავებულია ორსულობის დროს პათოლოგიებისა და გართულებების განვითარების მაღალი რისკის ქვეშ მყოფი დედების მდგომარეობაზე დასაკვირვებლად. 

ეს პროგრამა რეკომენდებულია იმ ქალებისთვის, ვინც დამხმარე რეპროდუქციული ტექნოლოგიების გამოყენებით დაორსულდა და რთული ორსულობა აქვს (მრავალნაყოფიანი ორსულობა, ექსტრაგენიტალური დაავადებები, Rh შეუთავსებლობა და დიდი ასაკი) და სურთ ორსულობის პერიოდი ექიმის მუდმივი მეთვალყურეობის ქვეშ გაატარონ. 

European Fertility Clinic-ის მიერ შეთავაზებული პრენატალური მზრუნველობა გულისხმობს ნაყოფისა და დედის ჯანმრთელობაზე სრულფასოვან დაკვირვებას, რათა თავიდან აიცილოთ სპონტანური აბორტის რისკი და მალფორმაციების განვითარების საშიშროება. 

ჩვენი ექიმები და გინეკოლოგები გამოცდილი არიან რთული ორსულობის მართვაში და შეუძლიათ, ყოველ ინდივიდუალურ შემთხვევაში განსაკუთრებული მიდგომა გამოიჩინონ. დიაგნოსტირებას ვატარებთ თანამედროვე აღჭურვილობით, რომელიც სერტიფიცირებულია საქართველოში მოქმედი სტანდარტის შესაბამისად. სრულ პასუხისმგებლობას ვიღებთ დიაგნოზის ნამდვილობასა და ჩატარებული კვლევების ხარისხზე. 

ერთ-ერთი უმნიშვნელოვანესი საკითხი იმ სამშობიარო სახლის არჩევაა, სადაც ბავშვი უნდა გაჩნდეს. სწორედ ამიტომ მომავალ დედებს მხოლოდ იმ სამშობიარო სახლებს და სპეციალისტებს ვურჩევთ, რომლებიც რთული და მარტივი ორსულობის მართვაში სპეციალიზდებიან.

აუცილებლად უნდა აღინიშნოს, რომ ინ ვიტროს  (ICSI, ხელოვნური განაყოფიერება) მეშვეობით მიღებული ორსულობა არაფრით განსხვავდება ბუნებრივი გზით მიღწეული ჩასახვისგან, ამიტომ რამდენიმე ფაქტორი უნდა გაითვალისწინოთ: 

რთული ორსულობა შესაძლოა, უნაყოფობის გამომწვევი დისფუნქციის შედეგი იყოს. ამის გათვალისწინებით, ჩვენი მეან-გინეკოლოგები ზედმიწევნით სწავლობენ პაციენტების სამედიცინო ისტორიას და მათ შემთხვევას პაციენტების მკურნალი ექიმის ჩართულობით განიხილავენ. 

უნაყოფობის მკურნალობა დამხმარე რეპროდუქციული ტექნოლოგიების გამოყენებით ზრდის მრავალნაყოფიანი ორსულობის რისკს. მრავალნაყოფიან ორსულობას ზოგი სპეციალისტი რთულ ორსულობად მიიჩნევს, რადგან ქალის ორგანიზმი განსაკუთრებული სტრესის ქვეშაა. თუ, მაგალითად, ქალი ორ ან სამ ტყუპზეა ორსულად, მაღალია სპონტანური აბორტის და ნაადრევი მშობიარობის რისკი. უფრო მეტიც, მაღალია გესტაციური დიაბეტის და პრეკლამფსიის რისკი. 

ქალების უმეტესობა, ვინც ინ ვიტრო განაყოფიერების შედეგად დაორსულდა და ასაკშია, ექვემდებარება სპონტანური აბორტის, ნაადრევი მშობიარობის და სხვა გართულებების მაღალ რისკს, თუნდაც ორსულობა ერთნაყოფიანი იყოს. 

რას გულისხმობს პრენატალური ზრუნვის პროგრამა

პირველი ტრიმესტრი

• კონსულტაცია გინეკოლოგთან
• ლაბორატორიული კვლევები
• ექიმთან ზოგადი კონსულტაცია + ECG
• კონსულტაცია ენდოკრინოლოგთან
• მუცლის ღრუს და თირკმლის ულტრაბგერითი გამოკვლევა
• ექოსკოპია 11-13 კვირის ვადაზე 

მეორე ტრიმესტრი

• კონსულტაცია გინეკოლოგთან
• ლაბორატორიული კვლევები
• ექოსკოპია 18-21 კვირის ვადაზე 
• საჭიროების მიხედვით კონსულტაცია შესაბამის სპეციალისტთან 

მესამე ტრიმესტრი

• კონსულტაცია გინეკოლოგთან
• ლაბორატორიული კვლევები
• ულტრაბგერითი გამოკვლევა დოპლერის მეთოდით
• კარდიოტოკოგრაფია (CTG)

გსურთ კონსულტაციაზე ჩაწერა?

მოითხოვეთ ზარი